...............................
Pas musim liburan bagini buce mau pi lia dia pung ba'i
ma dia pung orang tua son bisa antar jadi dia pung mama titip dia di bis kupang atambua
dia pung mama pesan di sopir kalo su di So'e na kasi inga buce,
di perjalan buce ni batasibuk talalu, dia batanya di om sopir deng panumpang dong kapan ko sampe di So'e,
karna su talalu batanya kapan ko sampe So'e panumpang deng om sopir su bosan jadi dong suru ko buce tidor sa nanti kalo su sampe baru dong kasi bangun, buce ju su cape jadi dia tidur ooo, pas su sampe So'e bagini ini sopir deng panumpang dong su lupa deng Buce, su sonde ada yang inga lai deng buce lai ko dia su tidor sonu, bis su lewat Kefa ju son ada yg inga, akhirx bis sampe di atambua, pas panumpang dong turun bagini dong inga ini ana kici ni (Buce) dong baru inga dia pung pesan, karna dong kasian deng Buce akhirx sopir deng samua panumpang sepakat ko antar kambali buce pi di So,e, pas sampe di terminal So'e bagini dong kestau di Buce, ju Buce buka dia pung tas kasi kaluar rantang makanan ko dia mulai makan, jadi panumpang deng sopir tanya di buce
sopir&panumpang: ade lu sonde turun ko, ini su sampe ni
buce : sonde, be pung mama pesan tadi kalo su sampe So'e baru be boleh makan, be turun di atambua be pung Ba'i tinggal di sana
sopir&panumpang:"$£^&?!!!
Tidak ada komentar:
Posting Komentar