KENA TUDUH (LUCU)

Dapa Tudu

Buce deng Pe'u ni paling nakal. karna dong dua talalu nakal samua orang tudu sang dong dua kalo ada kejadian kriminal di dong dua pung kampung, mulai dari pancuri ayam sampe barmaen judi. dong dua pung mama su pusing jadi bawa dong dua pi Bapa Pandeta. Bapa pandeta pange dong satu2 partama Buce yang dapa pange,...
Pandeta: Buce, lu pung mama tu su tua, Lu son kasian ko lia sang dia......??? 
Buce hanya diam sa,
Bapa Pandeta tanya lai "Lu tau Tuhan dimana???"
Buce tanganga sa...sonde jawab
Bapa Pandeta masi sabar ma dalam hati su mulai jengkel,
Bapa Pandeta tanya satu kali lai " Buce, Lu tau Tuhan dimana????
"Buce ni mulai bingung sambil kodo ludah dan malerok pi Bapa Pandeta,..
Bapa Tua su mulai emosi, deng suara karas dan membentak dia tanya lai "Tuhan ada dimana Buce????!!!!"......
...karna taku buce batareak ko bangun lari kaluar "Beta sonde tau"
pas sampe di pintu kaluar dia katumu deng Pe'u,
Pe'u: kanapa lai deng lu Buce??? Lu pung muka pung pucat lai???? Bapa pandeta bilang apa??........
Buce: we katong dua paya su, Tuhan hilang!!!! Bapa pandeta kira katong dua yang curi!!!!