TINUS LIBURAN DI KUPANG

SAUDARA DARI JAKARTA

musim liburan sakolah bagini Buce pung sodara dari jakarta (dia pung nama Tinus) berlibur di kupang jadi dong nginap di buce pung rumah, , karna dia pung sodara baru datang jadi Buce ni ajak ko jalan2 lia kota kupang, dong jalan kaki sa pas sampe di depan ramayana ju tinus tanya 

tinus: 'buce itu gedung apa tu'

buce: 'oh, itu swalayan ramayana,

tinus: ' awi pung kici lai, di jakarta swalayan dong besar besar ini su sama ke kios sa'

buce hanya dengar sa ko tanganga, tarus dong jalan oow, pas sampe di depan bank ntt ju tinus tanya lai

tinus ; "buce itu gedung apa lai"

buce: "oo, itu kantor bank ntt,"

tinus: "mana ada kantor bank ko kici, di jakarta bank dong besar baru bertingkat belasan lantai"

buce:"£$^%&^ dalam hati su mulai panas ni....

dong jalan lai pas lewat belakang kantor gubernur tinus tanya lai

tinus: kalo itu kantor ko.....(tunju pi kantor gubernur)

Buce: "oh ia, itu kantor gubernur"

tinus: oooooo...... (sambil cibir meremehkan)

buce diam sa ma dara su nae sampe kapala ni.......

pas lewat sadikit kantor gubernur ju tinus apa lia ada kandang (kandang komodo) jadi tinus tanya lai

tinus : 'buce, hewan apa yg ada dlm kandang tu ( sambil terheran2 mngkin bru parna liat)

Buce: OOOO ITU CICAK PUNG ANAK (su emosi tingkat tinggi)

tinus: ???&^^%"

...................................